| Gersprenz Gersprenz, nemm mich doch mit, unner Erle un Weide sing mer deu Lied! Drowwe im Ourewoald biste noch kloa! Du liebliche Gersprenz, du werst als gräißer bist fast schun en Fluss drunne oam Moa |
Doande Elis’ Elisabeth haaßt se, sie wor e mords Kadoffel. Ungel Karl wor vun Oufoang ou bei ehr unnerm Pandoffel, für uns Kinner wor se nor die Doande Elis’ Sie hatt' immer e grie Hoarnetz iwwer ehrm Dudd, sie konnt nie rischdisch kaue, denn ehr Zäih woarn als kabutt. Unn sou e Dobbelkinn hatt nor die Doande Elis'! |
| Hessisch Gebabbel Bei uns dehoam do schwätzt mer, wie's Maul gewoachse is! Ums Houchdeitsch unn Grammadigg mache mir koa grouß Geschiss! Mir babbele all hessisch, die schenst Sprooch uff de Erd, wer zum Handkees geborn iss, werd nie en Camoambert. |
... denn ich bin aus Spoachbrigge! Worim wern in Spoachbrigge mer Gugguggs genoannt, ... ouwouwou, wie schäi! Des is in unserm Dorf gor-koam bekoannt, ... ouwouwou, wie schäi! Unser Männer sin gern in annern Dörfer gefohrn, un wenisch späder wurd dort en kloane Guggugg geborn! Auf Mädsche, kumm her, du brauchst dich nor zu bigge, ... denn ich bin aus Spoachbrigge! |
